Wednesday, January 28, 2009

നായരും പട്ടരും ചേര്‍ന്നാല്‍ തിരുവിതാംകൂര്‍ ഗവണ്മെന്റായി...

സി.കേശവന് ഒരു കൊല്ലത്തെ തടവും അഞ്ഞൂറു രൂപ പിഴയും വാങ്ങിക്കൊടുത്ത കോഴഞ്ചേരി പ്രസംഗത്തിലെ പ്രകോപനത്തിനിടയാക്കിയ വാചകമാണ് തലക്കെട്ടായി കൊടുത്തിരിക്കുന്നത്.
കുറ്റം രാജ്യദ്രോഹമായിരുന്നു. സി.കേശവനെതിരായ രാജ്യദ്രോഹക്കേസ് എന്നാണ് ഇതറിയപ്പെടുന്നത്. മഹാരാജാവിന്റെ പിറന്നാള്‍ പ്രമാണിച്ച് ഒരു വര്‍ഷത്തെ ശിക്ഷയില്‍ നിന്നും ആറു ദിവസവും പിഴ ശിക്ഷയില്‍ നിന്നും ഇളവു നല്‍കുകയുണ്ടായി.
രാജ്യദ്രോഹത്തിന് കോടതി ശിക്ഷിച്ച സി.കേശവന്‍ ശിക്ഷക്കുശേഷം നടന്ന തിരഞ്ഞെടുപ്പിലൂടെ തിരുവിതാംകൂര്‍-കൊച്ചിയുടെ പ്രധാനമന്ത്രിയായത് രാജ്യദ്രോഹം എന്ന വാക്കിനെത്തന്നെ അര്‍ത്ഥശൂന്യമാക്കുന്നു.
പാഠ പുസ്തകങ്ങളിലെ പ്രീണന ചരിത്രം(കപട സെക്കുലര്‍) മാത്രം വായിച്ചു പഠിച്ച പുതുതലമുറക്ക് ചരിത്രത്തെക്കുറിച്ച് അറിയാന്‍ ഈ ഓര്‍മ്മപ്പെടുത്തലുകളേ വഴിയുള്ളു.

മാതൃഭൂമി ആഴ്ച്ചപ്പതിപ്പില്‍-2009 ഫെബ്.1- ചരിത്രപഥം പംക്തിയില്‍ പ്രസിദ്ധീകരിച്ചതാണ് ഇവിടെ പോസ്റ്റു ചെയ്തിരിക്കുന്ന പേജ്.

Monday, January 26, 2009

ചാന്നാര്‍ ലഹളയും നായര്‍ പട്ടാളവും

കേരളത്തിന്റെ ചരിത്രത്തിലെ ലജ്ജാവഹമായ ഏടുകളാണ് ചാന്നാര്‍ ലഹള എന്ന പേരില്‍ ബ്ലൌസ് ധരിക്കാനുള്ള അവകാശത്തിനുവേണ്ടി കൃസ്ത്യാന്‍ സ്ത്രീകള്‍ നടത്തിയ അരനൂറ്റാണ്ടോളം നീണ്ടുനിന്ന ഐതിഹാസിക സമരം. തിരുവനന്തപുരത്തെ രാജഭരണത്തിന്റെ നെറികെട്ട മൂല്യബോധത്തിന്റേയും,
സംസ്കാര ശൂന്യതയുടേയും നീചത്വത്തിന്റെ തെളിവുകൂടിയാണ് നായര്‍ പട്ടാളവും നായര്‍ ജന്മികളും സംഘടിതമായി നടത്തിവന്ന സ്ത്രീകളുടെ ബ്ലൌസ് വലിച്ചുകീറുന്ന മഹനീയ യുദ്ധം! നീചരായ ഗുണ്ടകള്‍ക്കുപോലും ലജ്ജ തോന്നുന്ന ആ ശൂദ്രയുദ്ധത്തെ നയിച്ച തിരുവിതാംകൂറിലെ രാജഭരണത്തിനെതിരെ അശരണരായസ്ത്രീകള്‍ ചെറുത്തുനിന്ന ഉജ്ജ്വല ചരിത്രമാണ് ചാന്നാര്‍ ലഹള.
കേരള സര്‍ക്കാരിന്റെ സാംസ്കാരികവകുപ്പ് 1990 ല്‍ പ്രസിദ്ധീകരിച്ച മഹാനായ സാമൂഹ്യ നവോദ്ധാന നായകന്‍ അയ്യങ്കാളിയുടെ ജീവചരിത്ര പുസ്തകത്തില്‍ നിന്നുള്ള 5ആം അദ്ധ്യായത്തിന്റെ സ്കാന്‍ ചെയ്ത കോപ്പി ഇവിടെ ഞെക്കിയാല്‍ വായിക്കാം. ശ്രീ. സി.അഭിമന്യുവാണ് ഗ്രന്ഥകര്‍ത്താവ്.

Sunday, January 4, 2009

നംബൂതിരികള്‍ ഈഴവന്മാര്‍

ബുദ്ധമത പ്രചരാണാര്‍ത്ഥം ശ്രീലങ്കയിലൂടെ എത്തിച്ചേര്‍ന്ന ഈഴവരിലെ ഒരു വിഭാഗം തന്നെയാണ് ബ്രാഹ്മണമതത്തിന്റെ സമ്മര്‍ദ്ധത്തെത്തുടര്‍ന്ന് നമ്പൂതിരിമാരായിത്തീര്‍ന്നതെന്ന് നംബൂതിരിമാര്‍ക്കും,ഈഴവര്‍ക്കും ഇടയിലുള്ള പുല ചടങ്ങിലൂടെ വ്യക്തമാക്കപ്പെടുന്നതിന്റെ ധാരാളം ചരിത്ര രേഖകള്‍ ഈ അദ്ധ്യായത്തില്‍ നല്‍കിയിരിക്കുന്നു.
ബുദ്ധധര്‍മ്മവുമായി ബന്ധപ്പെട്ട ക്ഷേത്ര പരികര്‍മ്മികളായ വാത്തികള്‍, പണ്ടാരികള്‍, മണ്ണാത്തികള്‍,... തുടങ്ങിയവര്‍ ഈഴവരുടെ കയ്യോന്മാരായിരുന്നു. ഈഴവരും ഈഴവ കയ്യോന്മാരുമായി (ഈഴവരുടെ സഹായികളും,ബന്ധുക്കളും,ഭൃത്യരും) നിലനിന്ന കേരളത്തിലെ സാമൂഹത്തിലേക്ക് വിവിധ ഹിന്ദുമത ധാരകളുമായി(വൈഷ്ണവ,ശൈവ) കടന്നുവന്ന ബ്രാഹ്മണ്യവും അതിന്റെ മൂല്യവ്യവസ്ഥിതിയും ബൌദ്ധ ക്ഷേത്രങ്ങള്‍ പിടിച്ചടക്കുകയും പരികര്‍മ്മികളേയും, ക്ഷേത്ര ഉടമകളായ ഈഴവരേയും വിശ്വാസ പരിവര്‍ത്തനത്തിനു വിധേയമാക്കിയതിന്റെ ഫലമാണ് കേരള ബ്രാഹ്മണന്‍ എന്ന നമ്പൂതിരിമാര്‍ ജന്മം കൊള്ളുന്നത്. ഇങ്ങനെ നമ്പൂതിരിമാരായിത്തീര്‍ന്ന ഇവരുടെ ആശ്രിതരായ ഈഴവ കയ്യോന്മാര്‍ തന്നെയാണ് വിവിധ നായര്‍ ജാതിപ്പേരുകളില്‍ പിന്നീട് ഹിന്ദുക്കാളായി അറിയപ്പെടുന്നത്. അതുകൊണ്ടാണ് ഈഴവരുടെ കയ്യോനായിരുന്ന(സഹായി/ഭൃത്യന്‍) മണ്ണാത്തി-അലക്കുകാരി- നംബൂതിരിയുടെ വെളുത്തേടത്ത് നായരായതും, ഈഴവരുടെ കുടുംബക്ഷുരകന്മാരായിരുന്ന ഈഴവാത്തി(കാവുതിയ്യ) നംബൂതിരിയുടെ വെളക്കിത്തല നായരായതും.

ബ്രാഹ്മണഹിന്ദുമതത്തിന്റെ ആധിപത്യത്തിന്റെ ഫലമായി നിരോധിക്കപ്പെട്ട ബുദ്ധധര്‍മ്മ ചിന്തകളും, ആരാധനാ അവകാശവും നിയമവിരുദ്ധമായിത്തീര്‍ന്നതിനാല്‍ ഹിന്ദുമതത്തോട് അനുഭാവംകാണിക്കാത്ത ഈഴവര്‍ പാര്‍ശ്വവല്‍ക്കരിക്കപ്പെടുകയും, കിരാതമായ നരഹത്യക്ക് പാത്രീഭവിക്കുകയും, അടിച്ചമര്‍ത്തപ്പെടുകയും ചെയ്തിരിക്കണം. അവരുടെ ഭവനങ്ങള്‍ കെട്ടിമേയാന്‍ അനുവാദം നല്‍കാതെ ജീര്‍ണ്ണിപ്പിച്ച് നശിപ്പിക്കുകയും, പരസ്പ്പരം കൊല്ലിക്കാനായി അങ്കങ്ങള്‍ പ്രോത്സാഹിപ്പിക്കുകയും ചെയ്തിരുന്നതിനു തെളിവാണ് വടക്കന്‍ പാട്ടുകള്‍. കൂടാതെ പ്രമാണിമാരായ ഈഴവരെ കൊന്നൊടുക്കാന്‍ ഒടിയന്മാര്‍ എന്ന വാടക കൊലയാളികളേയും ഉപയോഗിച്ചിരുന്നതായി കാണാം.
കേരള ബ്രാഹ്മണരായ നംബൂതിരികള്‍ ഈഴവരാണെന്ന് തെളിവുനല്‍കുന്ന ചരിത്ര പുസ്തകത്തിന്റെ 7 ആം അദ്ധ്യായം വായിക്കാന്‍ ഇവിടെ അമര്‍ത്തുക.